XX. mendeko Euskararen Corpus estatistikoa
Testuingurua
Macadam berotuaren usain lehor dardaratiaz
euriz hantu biolin saminen musika kiretsaz
ametsetan hindabilan
igandea pasatzen huen ostatu zokoetan gozo
aldamenean norbaiten behar gorria sumatzen
eguzkipean kuskandel
udaberriko herdoilak ausiki aditzak buruan
gerla zelai zimurtu
bihurtu bizitza herrestaren ondarkin latzak
kontenplatzen hituen
erran huen ahapez ezkaratzeko sumurretako
egur eztian kabitu dira
hegoko ondartzetarik itzuli ainara laztanak
hi ere larrazkenean etxerako?
ahantzi dituzkeen tren madarikatuen ardatzen
azantz metalikoak
eta minutu laburxko batez uros senditu haiz
baina zer dakin hik zorionaz?
irlandako lore ubela eskuan...